Department of Water Resources,River Development & Ganga Rejuvenation, Ministry of Jal Shakti, GoI chuan kum 2023 hian Lunglei Serkawna  Tuikhur pakhat  Saptui  chu India ram puma Water Heritage Structures  thlan chhuah 75 zingah a thlang tel ve a. Hemi bakah hian Samthang khuaa Tuihla zawk chu Other Important Structures zingah a rawn thlang  bawk a ni. 

Tichuan GoI ngen  angin  Water Heritage Fortnight, 2023 kharna hun chu PHE Department huaihawtin, Samthangah  ni 29.11.2023 khan hman niin, a tuk ni 30.11.2023 khan Serkawn, Lungleiah  hman a ni a. Hemi hunah hian Tuihna humhalh pawimawh zia te in zirtirna neih a ni.

Samthangah hian Water Heritage Fortnight, 2023 kharna Programme hi Tuihlazawk Samthang, Zopui phul hmunah Er. ZD Dengthuama, EE, Champhai WATSAN Division hovin Samthang khawtlang NGO hrang hrang hruaitute nen hun hman a ni a.

Lungleiah chuan Sâp Tui awmna bul Sêrkâwnah  khawtlang hruaitute nen  hman a ni. Hemi hunah hian Pi Ramdinliani, DC, Lunglei chu khuallian niin Er.Zohmingliana,SE,Lunglei WATSAN Circle chuan report pe in Tuihna humhalh pawimawh zia a sawi.